Google ADS

Dyshohet se një pjesëtar i FSK-së bëri vetëvrasje, flasin nga Policia e Kosovës

17:01 | 27 Dhjetor 2020
Arbresh.info

Në disa media pak më parë u raportua se një pjesëtar i FSK-së, ka bërë vetëvrasje sot në parkun e Dragodanit.

Arbresh.info ka kontaktuar me Policinë e Kosovës të cilët e kanë konfirmuar rastin.

Flora Ahmeti zëdhënëse e PK-së për rajonin e Prishtinës, ka thënë se një person 47 vjeçar  ka vrarë vetën me armë zjarri në parkun e Dragodanit, rreth orës 16:00.

“Rreth orës 16:00, në parkun e Arbërisë në Prishtinë, një person është vetëvrarë me armë zjarri. Ekipi mjekësor ka konstatuar vdekjen e personit mashkull 47 vjeç”, tha Ahmeti.

Ndërsa njësitet policore kanë dalë ne vendin e ngjarjes dhe kanë nisur hetimet për rastin.

“Njësitë e nevojshme policore janë në vendngjarje dhe kanë nisur një hetim per rrethanat qe karakterizojnë ngjarjen”, tha Ahmeti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm